Fasnacht 2025
Bäck to Ägypten
Die besti ziit esch scho lang verbii
drom gömmer weder zrogg det hii
talahons chömed üs ned id Tüte
drom flöchtemer zrogg is alte Ägypte
anstatt baggy jeans ah zha passed mer üs de ziit ah
ond wärded zo Anubis ond Kleopatra
met de ziitmaschen reised mer weder det hii
frühner esch doch alles besser gsi
Fasnacht 2024
10 Jahr voll uf Pflanze
Us de Natur, bewaffnet met Pfiel & Boge, mer folged de Spur, üse Pilz werd zoge. A üsem Jubiläum gömmer ufs ganze, und fiired „10 Johr voll uf Pflanze.“
Recap: Fasi 2024 esch en grosse Erflog gsi. Mehr hend chönne üses 10 Jöhrige Jubiläum fiire. Met 11 Persone mehr den je hemmer die Fasnacht grockt. Am Äbiker und Megger Omzog hemmer döffe üse tolli Wage zeige und üs veli Kompliment, wie au en Buess ihole. Aktiv semmer ade Fasnacht gsi bes zor letzte Minute.
Fasnacht 2023
Verloreni Fischer
Em Johr Nünzähhundertacht
Esch en Fischer innere fasnächtliche Nacht
Truurig ufem Vierwaldstättersee veronglöckt
Well er hed sech nachem falsche Fesch böckt
Anstatt ere saftige Forälle ofem Tesch
Lit de armi Ma jetzt be de Fesch
Doch jedes Johr wennd Fasnacht esch
Im Verborgene plant er sini Lescht
So dass er im Schatte vom Naue
Die schlächt Luune vo de Fasnächtler cha chlaue
So stigt er uf zom Fritschibronne
Won er vor hondert Johr scho en Orange hed gwonne
Bes zom Güdiszischtig
Wonner weder is Wasser ineschtigt
Fasnacht 2022
Kutscher
To be continued
Fasnacht 2020
Apokalypse 021
To be continued…
Fasnacht 2019
Sprayer
To be continued
Fasnacht 2018
Totengräber
To be continued…
Fasnacht 2017
Verrückte Professoren
To be continued…
Fasnacht 2016
Minecraft Wage
Da die Jungs so öberzügt gsi send fo erem Kostüm letzt di Johr. Hend sie sech zäme do ond hend en Wage wie au Maske afah baue. Ond so send de Livio, Fabio ond de Leo zäme ad d’Fasnacht.
Fasnacht 2014 & 2015
Minecraft
So hed alles Agfange met de Kreativität fo zwoi Jungs. Die beide Mincraft Fans hend sech entschlosse zäme ad Fasnachts gah met erem mega coole Kostüm und hend so eri Lideschaft förd d’fasnacht entdeckt.
